ವಿನಿಗವನ - ನಾನು

ಗೆಳೆಯರ ಇಡೀ ಗುಂಪಲ್ಲಿ
ಅತಿ ಹೆಚ್ಚು ಧೈರ್ಯವಂತ
ದೊಡ್ದ ವಾನರ ಸೈನ್ಯದೊಳಗೆ
ಮಹಾವೀರ ಹನುಮನ ಹಾಗೆ

ಅವಳ ಕಂಡಾಗ ಎದುರಲ್ಲಿ
ಎದೆಯೊಳಗೆ ಭೂಕಂಪ
ಒಮ್ಮೆ ಮತ್ತೇರಿದ ಮಂಗ
ಮತ್ತೊಮ್ಮೆ ಕರೆಂಟು ಹೊಡದ ಕಾಗೆ!

ದೀಪಾವಳಿ ಶುಭಾಶಯ

ಈ ವರುಷ ದೀವಳಿಗೆ
ಎಲ್ಲರಾ ಮನೆಗಳಲಿ
ಹೊಸ  ಬೆಳಕ ತರಲಿ

ಎಲ್ಲ ನೋವನು ಮರೆಸೊ
ನಗುವಿರಲಿ ಮನಗಳಲಿ
ಕತ್ತಲನು ಈ ಬೆಳಕು ಮನದಾಚೆ ಓಡಿಸಲಿ

ಮದ್ದು ಸದ್ದುಗಳು ಇಲ್ಲಿ ಇದ್ದರೂ ಮಿತವಿರಲಿ
ದೀಪಗಳ ಹಬ್ಬವಿದು
ಗದ್ದಲವೆ ನಗದಿರಲಿ

ನಮ್ಮ ಕಾಳಜಿ ಮೆಚ್ಚಿ ಭೂತಾಯ ಎದೆಯಿಂದ
ನಿತ್ಯ ಹೊಮ್ಮುತ್ತಿರಲಿ
ಮನವ ತಣಿಸುವಾ ಲಾಲಿ.