ವಿನಿಗವನ - ಸೋತ ಪ್ರೇಮಿಗೊಂದೆರಡು ಸವಾಲು

ಲೋ ದೇವದಾಸು,
ಹಳೆ ಹುಡುಗಿಯ ಹೊಸ ಲೈಫ್
ಮೇಲೆ ನಿಂಗಿದ್ದ ಕೆಟ್ಟ ಕುತೂಹಲಕ್ಕೆ
ಫೇಸ್ಬುಕ್ ತಡಕಾಡಿದ್ದಕ್ಕೆ
ಅವಳ ಗಂಡನ್ ಜೊತೆ ಸಿಕ್ಕಾಪಟ್ಟೆ ಸ್ಮೈಲ್ ಮಾಡ್ತಿರೋ
ಫೋಟೋ ಕಣ್ಣಿಗ್ ಬಿದ್ರೆ,
ಬೇಜಾರಗುತ್ತೋ?
ಇಲ್ಲಾ ಕುಡ್ಯೋಕ್ ನೆಪ ಸಿಕ್ತು ಅಂತ ಖುಷಿ ಆಗುತ್ತೋ?

ಅಷ್ಟಕ್ಕೇ ಬಿಡದೆ,
ಆ ಫೋಟೋ ಡೌನ್ಲೋಡ್ ಮಾಡಿ
ಅವಳ ಗಂಡನ್ನ ಅದ್ರಿಂದ ಕಟ್ ಮಾಡಿ
ಕಂಪ್ಯೂಟರ್ಗೆ, ಸೆಲ್ ಫೋನ್ಗೆ ವಾಲ್ಪೇಪರ್ ಮಾಡ್ಕೊಂಡು
ಅವಳ ಮುದ್ದು ಮುಖ ನೋಡ್ತಾ ಇದ್ರೆ,
ಮನಸ್ಸಿಗೆ ಲೈಟ್ ಆಗಿ ಮುದ ಆಗುತ್ತೋ?
ಇಲ್ಲಾ ಕಣ್ಣಲ್ಲಿ ಸಣ್ಣದಾಗಿ ಒಂದ್ ಹನಿ ಜಿನುಗುತ್ತೋ?

ನಿನ್ನೇ ನಂಬ್ಕೊಂಡ ಬಡಪಾಯಿಗಳು
ನಿನ್ ಸ್ಥಿತಿ ನೋಡಕ್ಕಾಗ್ದೆ
ಒಂದೇ ಕಣ್ಣಲ್ ಅತ್ಕೊಂಡು
ಇದೆಲ್ಲ ಬಿಡೋ ಮಗ
ಆಗು ಮದ್ವೆ ಬೇಗ
ಅಂತ ಬುದ್ಧಿ ಹೇಳುದ್ರೆ
ಅವರ ಮೇಲೆ ಮರುಕ ಹುಟ್ಟುತ್ತೋ?
ಇಲ್ಲಾ ಕೋಪ ಬರುತ್ತೋ?

ನಂಗರ್ಥ ಆಗುತ್ತೆ ಕಣೋ
ನಿನ್ ಹಳೆ ನೆನಪು , ಅದರ ಗಮ್ಮತ್ತು
ಹಳೆ ವೈನ್ ತರ ಅದು ಕೊಡೊ ಮತ್ತು
ಬೇರೆ ಯಾವ ಸುಖಾನು ಸುಖ ಅನ್ಸೋ ಸ್ಥಿತೀಲಿ ನೀನಿಲ್ಲ.
ಹಾಳಾಗ್ ಹೋಗು useless fellow.

ಇoತಿ ನಿನ್ ತರಾನೆ ಕನ್ಫ್ಯೂಸ್ ಆಗಿರೋ,
ನಿನ್ ಫ್ರೆಂಡ್.

ವಿನಿಗವನ - ಪ್ರೋಗ್ರಾಮ್ಮರ್ (ನಿ)ವೇದನೆ

ನಾನ್ ಬರ್ದ್ ಪ್ರೊಗ್ರಮ್ಗಳ ವೇಗ,
ಬಲ್ ನಿಧಾನ.
ಏನ್ ಗುರು ಅವುಗಳ್ನ ಬೇಗ,
ಓಡ್ಸೊ ವಿಧಾನ?

ಟೆಸ್ಟಿಂಗ್ ಫೇಸ್ನಲ್ ಮಿಂಚಾಂಗ್ ಓಡಿ,
ಏನೂ ಡಿಫೆಕ್ಟೆ ಇಲ್ದಂಗ್ ಆಡಿ
ಲೈವ್ನಲ್ ಕೈ ಕೊಡೋ ಪ್ರೊಗ್ರಾಮ್ಗಳೇ,
ನಿಮ್ ನಂಬ್ಕೋಂಡ್ ನಂ ಪಾಡ್ ಬರಿ ಗೋಳೇ..

ದೇವ್ರು ನಿಮ್ಗೆ ಬುದ್ಧಿ ಕೊಡ್ಲಿ.
ಫಾಸ್ಟಾಗ್ ಓಡೊ ಶಕ್ತಿ ಕೊಡ್ಲಿ.
ನೀವೊಡಿದ್ರೇನೆ ನಮಗ್ ಊಟ